|
Quen
somos, que facemos, onde estamos
Á
Asociación de Veciños Fonte
do Galo, de Vigo–Centro, fúndase no ano 1986 co
obxectivo principal de dar solución á problemática que se
presenta ante o anuncio da construción dun paso elevado que
conectaría a autoestrada co porto de Vigo.
Despois de duras e prolongadas negociacións coa administración por
parte dunha veciñanza que obtén a forza da unión e que incluso
chega a manifestarse polas rúas, conséguese ao fin o cambio do
proxecto segundo as reivindicacións, coa construción dos actuais túneles
subterráneos.
|
|
Que
facemos
Hoxe, co obxectivo de mellorar
a calidade de vida no noso barrio, ademais do seu labor
reivindicativa en defensa dos intereses de quen aquí vivimos,
organiza tamén numerosas actividades culturais, artísticas e
recreativas tendentes a facilitar a todos os veciños o goce
das mesmas
Fonte do Galo traballa para que
nun barrio novo e populoso as súas xentes se coñezan e vivan
o movemento veciñal. Aínda coas limitacións que supoñen a
ausencia de grandes espazos abertos para celebrar eventos e
conmemoracións esta asociación está a organizar e manter
unha programación para que a veciñanza do barrio se xunte,
se coñeza e conviva, como a celebracións de nadal, entroido,
san Xoan, etc..
Grazas a esta entidade a veciñanza
do centro pode gozar dun local social que reborda actividade
durante todo o ano; neste sentido organízanse conferencias,
charlas, obras de teatro, encontros, exposicións e desenvólvense
diferentes cursos e actividades acordes coas demandas da veciñanza,
como informática, tai chi, danza oriental, bailes de salón,
pintura ao óleo, manualidades, decoración e moitas máis.
|
Os nenos e nenas gozan dunha
programación específica á súa medida, con festas exclusivas en
carnavais, talleres en Nadal e un grupo de teatro infantil que fai
as delicias de pais e nenos nas súas representacións. Promovemos
entre eles a práctica do deporte, para iso temos unha escola
deportiva onde todos e todas poden practicar o fútbol sala e ter
oportunidade de participar nas competicións organizándose nos
equipos federados aos que a asociación facilita os equipamentos,
adestrador e instalacións para a práctica do deporte.
A asociación funciona como
servizo de atención e asesoramento da veciñanza da zona centro en
todos os campos que representen unha mellora na calidade de vida
comunitaria e individual, facendo forza e buscando solucións ás
problemáticas urxentes entre as que cabe lamentar a dos ruídos.
|
Onde
estamos
En
Vigo, na rúa Rosalía de Castro nº 41, baixo Z
Telf.
886 125 429
Xunta
Directiva
Presidente:
don Enrique Felipe Soto Soto
Vicepresidenta:
dona Sara Mercedes García Quinteiro
Secretaria:
dona Josefa Plaza Villa
Tesorero:
don José Ignacio Aymerich Muñoz
Vocal:
dona Helena Cáccamo Friebben
Vocal:
don Isaac González García
Vocal:
don Arturo Paz Daponte
Vocal:
don José Blanco Jorge
|
|
|
|
